Просечната каматна стапка на вкупните депозити во октомври изнесува 2,20 проценти и бележи годишен раст од 0,13 процентни поени, додека просечната каматна стапка на кредитите изнесува 4,82 проценти и бележи годишен пад од 0,56 процентни поени.
Каматната стапка на вкупните кредити за домаќинствата изнесува 5,21 проценти и е намалена за 0,03 п.п. на месечно ниво, а кај корпоративниот сектор бележи месечен пад од 0,03 п.п. и изнесува 4,43 проценти.
Кај депозитите, просечната каматна стапка кај корпоративниот сектор бележи месечно зголемување од 0,01 п.п. и изнесува 2,61 проценти, а кај домаќинствата каматната стапка е непроменета на месечна основа и изнесува 2,14 проценти.
