Trending
  • МАКЕДОНИЈА
  • БАЛКАН
  • СВЕТ
  • ПОЛИТИКА
  • ЕКОНОМИЈА
  • СПОРТ
  • ЗДРАВЈЕ
  • ЗАБАВА
  • ХОРОСКОП
  • НУТРИЦИОНИЗАМ
Reading: Во Прилеп пред 2000 години имало римска бања која функционирала како модерен спа-центар
Сподели
Font ResizerAa
TrendingTrending
  • БАЛКАН
  • ЕКОНОМИЈА
  • ЗАБАВА
  • ЗДРАВЈЕ
  • МАКЕДОНИЈА
  • ПОЛИТИКА
  • СВЕТ
  • СПОРТ
  • ХОРОСКОП
  • НУТРИЦИОНИЗАМ
Trending > Blog > ЗАБАВА > Во Прилеп пред 2000 години имало римска бања која функционирала како модерен спа-центар
ЗАБАВА

Во Прилеп пред 2000 години имало римска бања која функционирала како модерен спа-центар

Објавено July 5, 2025 15:27
Сподели
Сподели

Римска бања од пред две илјади години откриваат прилепските археолози на локалитетот Долиште кај Прилеп. Бањата со сите погодности на модерен спа-центар е дел од сѐ уште непознатиот град меѓу прилепските села Волково и Прилепец, но ги открива социокултурните одлики на нашите предци.

-На овој објект работиме вторпат. Тоа е бања од римскиот период, датира  од преминот на старата во  новата ера, или од 1 век пред или 1 век од нашата ера. Не е дека претходно жителите не одржувале лична хигиена, но како архитектура припаѓа на римските бањи и е од периодот кога Римската империја завладеала на овие простори. Оваа бања е јавна и е комплесен објект. Покрај оваа, имало просторија со топла вода, па базен со ладна вода, па просторија каде граѓаните ја користеле како гардероба. Така што, ние сме на самиот почеток на истражувањата на оваа комплексна градба. Станува збор за т.н. висечки под. На него биле керамичките плочи и малтерната подлога кои се држеле врз столпчиња, а под тој висечки под струел топол воздух кој доаѓал од друга просторија каде што се ложеле дрва за загревање. Тука нашите предци буквално се потеле, функционирало како сауна и, воопшто, како еден денешен спа- центар, објаснува Душко Темелкоски, археолог во Завод и музеј Прилеп, кој ги раководи истражувањата.

Археолозите допрва ќе ги откриваат тајните на комплексот, зашто истражена е само една третина. Најголем предизвик е да се открие името на таинствениот град кој бил доста значаен за населението од Пелагонија.

-Во врска со овој град, имаме некои индиции дека е поголем град, позначајна урбана населба од античко време. Во селската црква во Прилепец има неколку епиграфски споменици и на еден натпис е забележано дека овој град имал тесна соработка со античка Стибера. Но, за жал, не се споменува името на „овој град“, објаснува Темелкоски.

Досега трипати се истражувало на локалитетот Долиште. Прво беа откриени гробници и големи глинени садови за храна.

-Локалитетот е познат како Долиште, се наоѓа меѓу двете прилепски села Прилепец и Волково. Досега Прилепскиот музеј има истражувано во три наврати. Во првата кампања, заедно со Катедрата за археологија од Филозофскиот факултет во Скопје, истражувавме на неколку пунктови каде што се вршеле погребувања. Музејот, исто така, истражуваше на друга локација во овој комплекс каде пронајдовме две градби – во едната најдовме големи питоси, керамички ќупови каде се складирала храна. Ова е веќе трет пункт и работиме на бањата. Зборуваме за многу поголем простор каде што лежел тој антички град чие име сѐ уште не му го знаеме, вели архелогот Темелкоски.

Сподели ја оваа статија
Facebook Whatsapp Whatsapp Email Copy Link
Сподели
Претходна Статија Лука Бојовиќ не ги препозна лицата што му спремале ликвидација
Следна Статија (ВИДЕО) Трогателни сцени на погребот на Диого Жота и Андре Силва

БИ МОЖЕЛО ДА ВЕ ИНТЕРЕСИРА

Ажурирање на Pokemon Legends Z-A 2.0.1 веќе е достапно, белешки за пријавени измени

Pokemon Legends Z-A објави ново ажурирање верзија 2.0.1, со официјални белешки за промените.

January 23, 2026
ЗАБАВА

Три хороскопски знаци кои ќе заработат многу пари ова лето

Астролозите предвидуваат дека летото 2026 година ќе донесе силни финансиски промени, а посебен пресврт се очекува на крајот на јули,…

June 7, 2026
ЗАБАВА

(ВИДЕО) Доаѓа новиот „Ауди Q9“: Откриен дизајнот на ентериерот

Ауди“ го откри ентериерот на својот претстоен врвен модел Q9 (Audi Q9)“, за којшто се тврди дека „поставува нов стандард…

May 13, 2026
ЗАБАВА

Познато кој ќе пее на плоштад во Скопје за дочек на Нова година

Градоначалникот на Град Скопје, Орце Ѓорѓиевски кажа дека ќе биде организирана прослава и дочек на Новата година на плоштадот „Македонија“.…

December 10, 2025
Trending
contact@trending.mk

© Trending.mk  |  All Rights Reserved.

Импресум
Welcome Back!

Sign in to your account

Username or Email Address
Password

Lost your password?