Вучиќ ги обиколи штандовите и се сликаше со собраните граѓани. Им се заблагодари за „величествениот пречек“. Ги повика граѓаните да ја поддржат листата на СНС, листа која, како што рече, има негова целосна поддршка, објави Телеграф.
„Нашата земја е под силен напад веќе шест месеци и не гледате колку странски пари се инвестирани. Исто така, гледате дека ги наградуваат најлошите, а на 19 години веќе носат „Ролекс“. Многу богати, па сакаат да ги експлоатираат сиромашните и оние кои немаат Ролекс часовници на 19 години. Тие веќе не кријат кои странски сили ги поддржуваат во уништувањето на Србија, но не ве повикувам да гласате против нив, ве повикувам на изборите во Заечар, но и на сите претстојни избори во источна Србија, да гласате за вашите деца, за вашата иднина, за деца кои ќе се образуваат, кои ќе можат да градат фабрики во својата земја и кои ќе ја поврзат својата иднина со својата земја, со својата Србија – рече тој.
