Кандидатот за градоначалник на Град Скопје, Орце Ѓорѓиевски, најави дека победничката програма за развој на главниот град ќе ја изработи заедно со граѓаните. Тој денеска порача дека иднината на Скопје мора да се гради врз идеи, визии и предлози кои ќе дојдат директно од луѓето.
„Ова нема да го направи еден човек, туку тоа ќе го направиме заедно – со вашите идеи, предлози и визии. Секоја мисла е вредна, секое мислење е важно“, истакна Ѓорѓиевски.
Преку специјално изработен QR-код, кој ќе биде достапен на повеќе локации низ градот, граѓаните ќе можат да ги испратат своите идеи и проекти за подобро Скопје. Ѓорѓиевски нагласи дека со заеднички напори, градот ќе се претвори во европска метропола во која младите ќе гледаат иднина, семејствата ќе имаат сигурност, а постарите достоинствен живот.
„Сплотени, мотивирани и одлучни, ќе работиме до последниот атом за Скопје да стане град со кој сите ќе се гордееме. Ова е нашата заедничка шанса да испишеме нова ера на развој и просперитет“, порача тој.
Ѓорѓиевски кампањата ја води под мотото „Најдоброто допрва доаѓа“.
