Ако не се подели судскиот процес за трагедијата во Кочани судењето ќе се развлече и ќе трае многу долго вели универзитетскиот професор Борче Давитковски. За да биде брзо и ефикасно мора да се поделат обвиненијата за осомничените.
Според професорот Дејан Мицковиќ судскиот процес за Кочанската трагедија е уште еден сериозен тест и последна шанса за македонското правосудство да испорача вистинска правда.
Кога се во прашања трагедиите,во Македонија три децении изостанува и политичката но и правната одговорност вели професорот Ангел Ристов.
“Правото и одговорноста” се темите на 11 та меѓународна научна конференција “Охридска школа на правото” 2025 каде еминентни професори по право од земјава и странство разменуваат искуства и знаења.Конференцијата започна со минутен молк во чест на згаснатите млади животи во кочанската трагедија.
