Се зголемуваат шпекулациите дека Емилијан Станковиќ би можел да влезе во трката за градоначалник на Општина Центар. Иако сè уште нема официјална потврда, неговата активност на терен и политичкото искуство го ставаат меѓу можните имиња што би можеле да предизвикаат промени на локално ниво.
Кој е Емилијан Станковиќ?
Станковиќ е член на СДСМ и дипломиран правник со положен правосуден испит. Роден е во Скопје на 16 мај 1976 година. Тој има богато парламентарно искуство, со учество во повеќе клучни собраниски комисии и делегации. Бил член на Законодавно-правната комисија, Комисијата за уставни прашања, како и на Анкетната комисија за утврдување на околностите за загинувањето на претседателот Борис Трајковски. Покрај тоа, учествувал и во работата на парламентарни групи за соработка со земји како Швајцарија, Јапонија, Ирска и балтичките држави.
Неговото политичко искуство и познавање на уставно-правните процеси би можеле да му дадат значителна предност во евентуална кандидатура. Поддржувачите го гледаат како фигура која може да внесе стабилност, отчетност и правна прецизност во водењето на општината.
Во минатото Станковиќ беше и портпарол на СДСМ, но во моментов прашањето што останува отворено е:
Дали Станковиќ би настапил како независен кандидат или ќе ја побара поддршката на СДСМ? Оваа дилема се наметнува во јавноста имајќи го во предвид фактот дека Станковиќ во моментов не обавува никаква партиска функција и не е во добри односи со партијата СДСМ.
