Комунална Хигиена останува без директор откако довчерашниот Сабахудин Рустеми од притвор си поднесе оставка, нешто за што информира адвокатот Асмир Алиспахиќ што ги брани него и раководителот на одел за управување со отпад во претпријатието Аки Саити, откажувањето од функцијата е поради морални причини и не е поврзана со признание на вина реферираше вчера Алиспахиќ.
Градоначаличката на Скопје пак Данела Арсовска со преку социјалните мрежи бара да се назначи директор како би функционирало претпријатието како што треба. Арсовска повторно со тврдење дека Премиерот и власта преку управниот одбор го тероризирале градот.
– Го повикуваме премиерот Мицкоски кој има своја претседателка на Управен одбор од ВМРО која воедно е и осуден криминалец за 2 кривични дела во 2006 и 2022 година, да го повика Управниот одбор на Комунална хигиена Скопје согласно член 24а став 2 од Законот за јавни претпријатија во случај да донесе одлука за разрешување на директорот и согласно став 3 од истиот член да именува вршител на должност на претпријатието.
После маратонскиот распит кој траеше повеќе од седум часа судијата на претходна постапка донесе одлука за одредување мерка притвор во траење од 30 дена. Пред тоа Рустеми и Саити беа задржани безмалку 24 часа на распит во полициска станица, обвинителството осомничените ги гони за загрозување на животната средина и природата со отпад за што се предвидува казна затвор од една до десет години.
