Докторката Биљана Ѓуроска, која професионално работи како хомеопат, сподели кратка инфомативна објава за последиците од хронична изложеност на чад од депонии со оглед дека главниот град Скопје, изминатиот период се соочува со аерозагадување предизвикано од пожари на депонии.
– Пред сѐ нема безбедно ниво на изложеност на PM2.5 честичките, секое ниво и време на изложеност претставува ризик, а децата се особено ранлива група, вели на почетокот на објавата докторката.
– Физиолошки фактори: Белите дробови и имунолошкиот систем сè уште се развиваат. Дишењето е побрзо од возрасните → поголем внес на загадувачи по телесна тежина.
– Долготрајна изложеност на PM2.5 и токсични гасови (метан, јаглерод моноксид, диоксини, полициклични ароматични јаглеводороди):
– Зголемен ризик од астма, хроничен бронхитис и инфекции на дишните патишта.
– Воспалителни процеси што можат да доведат до намален белодробен капацитет уште во детството.
– Невролошко влијание: Отровните соединенија (олово, тешки метали и органски токсини) можат да поминат преку крвно-мозочната бариера, предизвикувајќи нарушувања во когнитивниот развој, внимание и учење.
– Имунолошки ефекти: Хроничното воспаление и оксидативниот стрес водат до зголемена подложност на алергии и автоимуни состојби.
– Кардиоваскуларни ризици: Иако ретки во младоста, раната изложеност создава предуслов за атеросклероза и срцеви заболувања во зрелоста.
