Шефот на унгарски дипломатија Петер Сијарто денеска ја повика Европска Унија „веднаш“ да ја укине забраната за увоз на руска нафта и гас, бидејќи на Европа и се заканува нов силен удар на цените на енергенсите поради војната на Блиски Исток и затворањето на Ормутски Теснец.
Тој на платформата Икс објави дека е загрозен „голем дел од глобалното снабдување со енергенси“, а Европа е посебно изложена поради претходната забрана на ЕУ за увоз на руски енергенси.
-Сега глобалната понуда дополнително се намалува поради судирот на Блиски Исток, а кога се намалува понудата расте цената, па на Европа и се заканува драматично зголемување на цените, посочи Сијарто.
Тој го предупреди Брисел дека ако ги задржи санкции тоа „сериозно ќе им наштети на европските луѓе и европската економија“.
Сијарто потенцира дека европската политика мора да се води од заштита на интересите на граѓаните, а не од идеологија. (МИА)
