За време на вчерашниот протест во скопската општина Аеродром се случил сериозен инцидент кога лице во алкохолизирана состојба со електричен тротинет со голема брзина влетало во толпа граѓани кај што играле деца, информираат од иницијативата „Зелен Хуман Град“.
Настанот се случил вчера околу 19 часот, кога лицето со тротинет најпрво удрило во легнат велосипед каде што седеле деца, по што се обидело да избега. Родителите веднаш реагирале и се обиделе да го запрат. Тој продолжил со голема брзина, но по околу 50 метри изгубил контрола и паднал од тротинетот, по што бил запрен и задржан.
За среќа, нема повредени од луѓето што протестирале, но инцидентот предизвика голем гнев кај присутните. Активистите алармираат дека на протестите има многу мали деца и миленици кои се во најголема опасност и ризик да настрадаат.
