Иран го разгледа предлогот на Доналд Трамп и „смета дека барањата се прекумерни“, изјавил официјален претставник цитиран од иранската државна телевизија, како што објави Скај њуз.
„Иран ќе ја заврши војната во време што самиот ќе го избере и само ако се исполнети неговите услови. Иран нема да дозволи американскиот претседател Доналд Трамп да го диктира времето на крајот на војната“, рече официјален претставник, како што објави Скај њуз.
Тој додаде дека Техеран им кажал на САД преку посредник дека ќе продолжи да се брани.
АП, исто така, објави дека иранската државна телевизија цитирала неименуван официјален претставник на англиски јазик кој рекол дека Иран го отфрлил предлогот на САД за прекин на огнот од 15 точки.
„Првиот услов на Техеран за завршување на војната е да престане да го напаѓа Иран“, рече официјален претставник.
Вториот е „воспоставување конкретни гаранции што би спречиле ново избувнување на војна“.
Иран, исто така, бара „гарантирана компензација“ за штетата претрпена во војната.
За потсетување, САД доставија список од 15 барања до Иран, преку Пакистан, изјавија за Си-Ен-Ен два регионални извори, наведувајќи дека меѓу точките се ограничувања на иранските одбранбени капацитети, прекин на поддршката за сојузничките групи и признавање на правото на постоење на Израел.
