Автор: Мр.по квалитет и безбедност на храна, Дипломириан Нутриционист Билјана Ристеска
Децата природно ги сакаат слатките вкусови, но прекумерната потрошувачка на шеќер може да доведе до дебелина, кариес и дури метаболички нарушувања.
Клучот за намалување на шеќерот е постепена промена, здрави алтернативи и паметни навики што ја прават здравата храна попривлечна.
1. Постепено намалување: Избегнувајте нагли промени
Наместо да го елиминирате шеќерот преку ноќ, намалувајте го чекор по чекор:
✅ Разредете ги слатките пијалаци – ако вашето дете пие сок, помешајте го со вода и постепено зголемувајте го процентот на вода.
Преминувајте кон природно цедени овошно
зеленчукови сокови, избегнувајте употреба на тетрапак и други индустриски добиени сокови.
✅ Користете помалку шеќер при домашно готвење – кога печете или готвите, постепено намалувајте ја количината на шеќер.
✅ Птомовирајте помали порции – наместо цела чоколада, дајте мало парче во комбинирација со ореви или лешници.
2. Здрави алтернативи за слаткото
Заменете го рафинираниот шеќер со природни и хранливи алтернативи:
✅ Свежо овошје – грозје, банани, јаболка, боровинки, киви, круши, портокал, мандарина и манго се природни замени за слатките.
✅ Сушено овошје – смокви, урми, суви кајсии, суви сливи или суво грозје може да ги заменат бомбоните (но во умерени количини).
✅ Домашни шејкови – мешајте овошје со јогурт или млеко за природно сладок пијалок.
✅ Црно чоколадо (70% или повисоко) – поздрава опција со помалку шеќер и повеќе антиоксиданти.
✅ Домашни десерти – направете мафини,
палачинки или колачи со измешани банани, јатки овес, семиња, какао и агаве или мед наместо шеќер.
✅ Замрзнати овошни деликатеси – измешајте бобинки, јогурт и малку мед, потоа замрзнете ги во форми за домашен леден десерт.
Разбудете ја креативноста и експериментирајте со состојките.
3. Промена на околината: Намалување на изложеноста на шеќер
Децата јадат она што е достапно дома:
✅ Не купувајте слатки ужини – ако ги има во домот, децата нема да имаат толку голема желба за нив.
✅ Заменете ги слатките житарици – изберете цели зрна житарки или овес, кои се засладени со овошје.
✅ Направете ја водата основен пијалок – избегнувајте газирани пијалаци и сокови, понудете вода или чај наместо тоа.
4. Наметнете паметни навики за јадење
Помагањето и едуцирањето на децата во разбирање на влијанието на шеќерот може да ги
направи посвесни за нивните избори:
✅ Објаснете го влијанието на шеќерот – на едноставен начин кажете им дека премногу шеќер може да ги направи уморни, да добијат кариес или да имаат болки во стомакот.
✅ Вклучете ги во готвењето – оставете ги децата да помагаат при подготовката на здрави закуски, така ќе бидат повеќе возбудени да ги јадат.
✅ Направете го забавен процесот на сервирање храна – редете ги парчињата овошје во облици на насмеани лица или шарени форми за да ја направите здравата храна визуелно привлечна.
5. Создавање систем за награди (без шеќер!)
Ако вашето дете ги поврзува слатките со награди, променете ја навиката со понуда на различни други награди:
✅ Стикери или мали играчки наместо бомбони.
✅ Посебни активности како дополнително време за игра, филмска вечер или забавен излет.
