Претседателката на Европската централна банка (ЕЦБ), Кристин Лагард, вчера изјави дека доаѓањето на работници од странство ја стимулирало економијата во еврозоната во текот на изминатите години и дека тие помогнале да се надоместат скратеното работно време и намалените реални плати.
На годишниот симпозиум на американските Федерални резерви (ФЕД), што се одржува во Џексон Хол, во американската сојузна држава Вајоминг, таа укажа дека миграцијата во Европска Унија довела до рекорден број жители во Унијата, и покрај негативниот природен прираст, но дека владите на земјите-членки на ЕУ ги ограничуваат новите доаѓања поради незадоволството на населението на тие земји.
Лагард истакна дека растот на бројот на работници во еврозоната ја поддржа економијата во ЕУ, и покрај трендот за намалување на бројот на работни часови и опаѓање на животниот стандард во некои области. “Миграцијата во Европска Унија доведе до рекорден број на жители во Унијата и покрај негативниот природен раст”, рече таа.
“Растот на бројот на работници во еврозоната ја поддржа економијата во ЕУ и покрај трендот за намалување на бројот на работни часови и пад на животниот стандард во некои области”, додаде Лагард.
