Како што се очекуваше, Ламин Јамал ќе биде новиот сопственик на 10-ката на Барса.
Јамал покажа дека го следи патот на Лео Меси, и исто како Аргентинецот, и тој го зеде дресот со број 19 во својата дебитантска сезона како играч на првиот тим.
Меси го носеше тој број во првите две години како играч во првиот тим, од 2006 до 2008 година, а потоа со заминувањето на Роналдињо, ја зеде легендарната 10-ка, кога тимот го презеде Жузеп Гуардиола.
Интересно е што Меси во тој момент имаше 21 година, три години постар отколку што Јамал ќе биде ова лето.
Јамал ќе наполни 18 години на 13 јули, кога официјално ќе потпише нов повеќегодишен договор, според кој ќе добие и огромно зголемување на платата. Се претпоставува дека откупната калузула ќе биде 1.000.000.000 евра.
Покрај тоа, тој ја добива легендарната 10-ка како подарок, што има посебно значење во Барса, бидејќи пред Меси и Роналдињо, ја носеле великани како Ривалдо, Хуан Роман Рикелме, Јари Литманен, Џеовани, а претходно една сезона ја носеле Михаел Лаудруп, Георге Хаџи, дури и Христо Стоичков и Пеп Гуардиола.
