Сопственикот на SpaceX, Илон Маск, изјави дека сателитскиот систем „Старлинк“ е столбот на украинската армија, додавајќи дека целата линија на фронтот на Киев ќе се урне во случај на исклучување на земјата од системот.
„Мојот систем „Старлинк“ е столбот на украинската армија. Целата нивна линија на фронтот би се срушила ако ја исклучам“, напиша тој на социјалната мрежа X.
Познатиот претприемач, исто така, изјави дека е „ужаснат од долгогодишното колење во ќор-сокак што Украина неизбежно ќе го изгуби“.
„Секој кој навистина се грижи, навистина мисли и навистина разбира, сака мелницата за месо да престане“, истакна Маск.
„Старлинк“, управуван од „Спејс Икс“ на Илон Маск, е од клучно значење за украинската војска од руската инвазија во 2022 година, овозможувајќи комуникација во реално време и контрола на бојното поле преку илјадници терминали.
Се верува дека „Старлинк“ има околу 4.800 уреди во орбитата, преку кои се обезбедува интернет во околу 100 земји во светот.
Маск реши да ѝ понуди на Украина пристап до оваа мрежа, по почетокот на руската војна во Украина во февруари 2022 година, кога таа земја остана без комуникациски линии.
Старлинк се користи од милиони луѓе ширум светот бидејќи нуди побрз интернет од некои локални провајдери.
Конфликтот во Украина ќе престане ако се воведат санкции за украинските олигарси
Конфликтот во Украина веднаш ќе престане доколку САД воведат санкции против украинските олигарси, изјави американскиот славен претприемач Илон Маск, кој го предводи американското Министерство за ефективност на владата (DOGE).
Ставете санкции за првите 10 украински олигарси, особено оние со куќи во Монако, и тоа веднаш ќе престане. Тоа е клучот на загатката“, напиша тој на социјалната мрежа Х.
