Фудбалерите на Вардар одиграа без победник на гостувањето во Сан Марино – 2:2. По двата натпревара со вкупен резултат од 5:2, „црвено-црните“ заслужено се пласираа во следната рунда.
– Желбата беше победа и на реваншот, но поради некои наши грешки не успеавме во тоа. Во вториот дел бевме поагресивни и подобри за жал не се радувавме на победата по несреќно приемен гол. Остануваме фокусирани сега на следниот противник – Лозана, изјави Азер Омерагиќ.
Вардар во следното коло ќе игра против швајцарската екипа Лозана.
