Маж тежок 130 килограми прв се оперираше од прекумерна тежина на државен трошок.На Клиниката за дигестивна хирургија е направена првата баријатриска интервенција, односно хирушка техникa за стеснување на желудникот. Пациентот е во добра здравствена состојба по само два дена болничко лекување по операцијата. Хирурзите успешно трансплантирале црн дроб и два бубрега од починат дарител.Лекарите од тимот кои учевствувале во трансплатацијата се задоволни од успешноста и апелираа трендот за органодарителство да продолжи со позасилено темпо.
“На Клиниката за дигестивна хирургија на 12 и 13 март се извршени 2 сложени интервенции: успешно е трансплантиран црн дроб и два бубрега од кадаверичен дарител, а дополнително се експлантирани коскени ткива и лигаменти.Станува збор за петта трансплантација на црн дроб во Македонија” вели д-р Огнен Костовски.
“Оние што донираат се тивки херои. Ние сме тука да им оддадеме признание бидејќи тие го продолжуваат животот на другите” изјави д-р Билјана Кузмановска.
“Здравствените капацитети за утврдување на мозочна смрт сè уште се ограничени на Клиничкиот центар во Скопје. Засега имаме мал број донори. Кога станува збор за трансплантација од жив донор, земаме половина црн дроб од здрав човек, најчесто некој од семејството на пациентот” рече д-р Антовиќ.
Од ФЗОМ, велат дека Фондот од јули досега испратил 5 пациенти во странство за трансплантација на црн дроб од жив донор. Според директорот Клековски целта, е во Македонија да се достигне просек од 10 трансплантации годишно со живи дарители.
Во моментов, повеќе од 200 пациенти во Македонија чекаат трансплантација на орган. Институциите соработуваат со странски здравствени системи за едукација на кадарот, со цел да се зголеми капацитетот на домашните тимови.
