Готвачи, келнери, туристички работници, градежници. Ова се само дел од професиите кои и недостасуваат на Македонија. Добар дел од нив, среќата ја бараат во соседните земји, каде работат за многу повисоки плати. Но оние работници кои решиле да работат дома, не сакаат ни да слушнат да работат за малку пари, велат дел од газдите во изјава за МРТ1. Соред нив, проблемот е во сезона, кога работници немало ни за лек.
Газдите бараат поддршка и нови мерки од институциите, со кои ќе се создадат услови за младите останат дома и да не бараат работа во други земји.
Од Агенцијата за вработување велат дека невработеноста паѓа, но во се земјава и натаму се бараат работници, оти добар дел од нив заминуваат надвор. Велат, до сега евидентирани се 96.618 активни баратели на работа.
Во Хрватска најплатени се готвачите кои заработуваат над 2.000 евра со работно искуство, келнерите во просек заработуваат околку 1.500 евра, собарките од 1.000 до 1.400 евра.
И додека Македонците заминуваат во странство, кај нас празнината се пополнува со увоз од Непал, Бангалдеш, Индија, но и од Филипини. Најчесто се ангажирани во градежништвото, угостителството и туризмот, каде им се нудат ниски плати кои не ги сакаат македонските граѓани.
