Светска банка ја стави Македонија на листата на земји и територии кои доживуваат најголем пад на населението во светот.
Најголемиот број земји на листата се во Источна Европа, при што Косово, Молдавија и Македонија бележат најголем пад, јави N1.
Главната причина за овој тренд е емиграцијата, соопшти Светската банка.
Од регионот, Албанија е рангирана на 9-то место на листата од 42 земји и територии.
Источна Европа доживеа високи стапки на емиграција во последните децении поради разликите во платите во споредба со Западна Европа, како и интеграцијата во ЕУ, што создава правна рамка за мобилност на работната сила.
