Во Минхен остварив средба со претседателот на Украина, Володимир Зеленски, напиша премиерот Христијан Мицкоски.
Во продолжение неговата изјава
Разговаравме за актуелните безбедносни предизвици во Европа, за потребата од единство и солидарност, но пред сè за праведен мир.
Веруваме дека мирот мора да биде изграден врз правда, почитување на достоинството на народите. Само таков мир носи стабилност и сигурна иднина за Европа.
Воедно, разговаравме и за продлабочување на соработката, економска размена и поддршка во процесите за напредок на државите. Напредокот е можен кога има визија, храброст и јасна определба.
Македонија ќе продолжи да биде глас на разумот, партнер на стабилноста и поддржувач на праведниот мир, пишува во својата објава на социјалната мрежа на Фејсбук премиерот Христијан Мицкоски.
