Во масовен воздушен напад извршен во текот на ноќта помеѓу 27 и 28 август, руските сили го нападнаа главниот град на Украина – Киев, при што загинаа најмалку осум лица, меѓу кои и едно дете, а повеќе од 40 се повредени, јавува ББС.
Градоначалникот на Киев, Виталиј Кличко, соопшти дека нападот бил извршен со дронови и различни типови ракети, вклучувајќи балистички, крстосувачки и хиперсонични ракети „Кинжал“. Оштетени се над 20 локации низ градот и околината, вклучувајќи и станбени згради, деловни објекти и трговски центар во центарот на градот.
Шефот на воената администрација на Киев, Тимур Ткаченко, објави дека во нападот загинала и 14-годишна девојка, а меѓу повредените се и најмалку пет деца на возраст од 7 до 17 години. Според него, погодени се и уништени десетици објекти, меѓу кои и петкатна станбена зграда чиј дел бил срамнет со земја. Неколку лица се уште се водат како заробени под урнатините.
Украинскиот претседател Володимир Зеленски, реагирајќи на нападот, изјави дека „Кремљ избрал балистички ракети наместо преговарачка маса“ и повторно повика на „нови и построги санкции против Русија“.
Во исто време, украинските власти известуваат дека над 100.000 домаќинства останале без електрична енергија поради погодената енергетска инфраструктура, што укажува на поширока стратегија на Москва насочена кон нанесување штета на цивилната и критичната инфраструктура.
💔 A child’s body was found under the rubble in Kyiv. After Russia’s attack, 4 people are confirmed dead and more than 20 injured
Rescuers pulled the small child from the ruins.
According to Interior Minister Klymenko, at least three more bodies may remain trapped under the… pic.twitter.com/a8pVKNuxHc
— NEXTA (@nexta_tv) August 28, 2025
Новинар на BBC кој пристигнал на местото на нападот забележал најмалку четири тела, а локалните власти соопштуваат дека спасувачките екипи продолжуваат со потрага по преживеани под урнатините. Нападот претставува еден од најтешките во последните месеци и дополнително ја влошува хуманитарната состојба во главниот град на Украина.
Right now in Kyiv, first responders are clearing the rubble of an ordinary residential building after a Russian strike. Another massive attack against our cities and communities. Killings again. Tragically, at least 8 people have already been confirmed dead. One of them is a… pic.twitter.com/aukkujC9ji
— Volodymyr Zelenskyy / Володимир Зеленський (@ZelenskyyUa) August 28, 2025
