Најголем интерес кај матурантите во средно образование има за стручни области како што се економија, технологија и медицина. Областа на медицината е меѓу најбараните, со повеќе од половина од апликациите во стручните области за нега, стоматологија и лабораториски техничари.
-Во општата гимназиска насока има околу 8 илјади апликации во 234 паралелки, во стручните насоки има околу 12 илјади места. Во дуалното средно образование, за кое има интерес и кое Министерството за образование го промовираше и поддржуваше главно со стипендии во последните години, предвидени се 6.725 места во 269 паралелки, а потоа во уметничката насока има 578 места, а во спортската насока има 510 места-вели Љуљзим Алиу, заменик министер за образование и наука.
Во првиот рок за упис, преку онлајн платформата, аплицирале над 14.300 ученици, објави Министерството за образование и наука. Доколку некој не успее да се запише сега, не треба стравува бидејќи сè уште има рок.
„Сепак, оваа бројка не е конечна бидејќи постои и процес на поднесување документи. Може да се случи некои од учениците да не ги исполнуваат условите или да немаат физичка способност. Но, потоа има и втор рок, па дури и августовскиот рок останува како дополнителен рок.“, вели Алиу.
Од приближно 28.000 слободни места за новата учебна 2025/2026 година за ученици кои ќе можат да се запишат во средните општински училишта, 18.500 од нив се планирани за запишување во средните стручни училишта. За таа цел, Владата и Министерството за образование и наука го зголемија бројот на стипендии за дуално образование на 1.570, додека бројот на компании кои, покрај теоретското образование во училиште, ќе им обезбедат на средношколците запишани во дуални паралелки и практична обука во 550 компании, во кои ќе можат да се вработат во иднина.
