Ректорот на Универзитетот „Гоце Делчев“ во Штип, Дејан Мираковски во синоќашното гостување на емисијата „Топ Тема“ на телевизија Телма, се осврна на бројките околу емисиите на гасови и посочи дека многу помалку емисии доаѓаат од индустриските, отколку од резиденцијалните објекти.
Тој истакна дека многу помалку емисии доаѓаат од индустриските отколку од резиденцијалните објекти. Исто така, посочи дека не би спорел дали треба да се дислоцира или не, бидејќи смета дека тоа е одлука на градот Скопје и Владата, но е на став дека не смета дека и да се тргне дека тоа ќе го реши проблемот со аерозагадувањето во Скопје.
„Ако ги гледаме емисиите што ги рапортираат тие, тие емисии стојат во министерството за животна средина, има годишни извештаи кои можат да се проверат, мислам дека се јавни или дел се јавни или сум грешка. Ние добиваме информации кога работиме на студиите за инвентарот за загадување, добиваат информации и сите заинтересирани страни. Последните информации коишто јас ги имам од инвентарите за загадување беа околу 20-тина тона ПМ2 ипол годишно. Зборувам за „Усје“ конкретно вкупната. Еве финската студија којашто ја спомнуваат, тоа е постара малку студија, мислам дека имаше околу 80 тона ПМ честички од индустријата во 2016 година. Катастарот што е објавен на град Скопје, катастарот на загадувачи има малку различни емисии, но меѓутоа и они се во оваа класа на број. Соодносот помеѓу емисиите на сите индустриски регистрирани емитори. Вкупната емисија е некаде околу 2% којашто доаѓа од резиденцијалните извори за затоплување“, изјави ректорот Мираковски.
