Премиерот Христијан Мицкоски истакна дека е загрижен од нивото на култура на претседателот на ССМ, Слободан Трендафилов кој вчера упати навреди кон пратеничката Дафина Стојаноска, откако претходно Стојаноска прикажа видео во јавноста со него и со децата.
Трендафилов побара да се одземе имунитетот на пратеничката.
Премиериот Мицкоски кажа дека е загрижен за културата на првиот човек на ССМ и побара да се извини на пратеничката.
„Го видов бледо оправдување дека бил службено таму, а уште повеќе сум загрижен од нивото на култура на еден човек кој ја испушти шансата да биде над ситуација и како загрижен родител, барем речникот да му биде попристоен. Бидејќи станува збор за жена, мајка, и таму на тоа видео никој не ги покажува малолетните деца на Треданфилов, напротив, многу е внимавано на тоа, но мораше Трендафилов да биде покултурен во својот речник и сите навреди кои ги кажа, заслужуваат во најмала рака пратеничката Дафина Стојаноска да добие извинување од негова страна. А, ако тоа не го стори, уште еднаш ќе ја пропушти шансата да видиме човечки материјал во него“, изјави Мицкоски.
