Претседателот на Владата, Христијан Мицкоски заедно со владина делегација ќе присуствува на Самитот за Западен Балкан, кој оваа година се одржува во Лондон, Велика Британија.
Мицкоски заедно со вицепремиерот Александар Николоски, министерот за надворешни работи и надворешна трговија, Тимчо Муцунски, министерката за финансии Гордана Кочоска Димитриеска, како и министерот за евроинтеграција Орхан Муртезани ќе учествуваат на голем број состаноци во состав на Берлинскиот процес.
-На маргините на самитот, а и во рамки на посетата на Обединетото Кралство, со Претседателот на Владата предвидени се голем број на билатерални средби, за што навремено ќе ја информираме јавноста, велат од владината прес-служба.
