Македонската радио-телевизија (МРТВ) организира високобуџетна вечера за гостите од Европската радиодифузна Унија (ЕБУ), на која е предвидено да се потрошат илјадници евра за луксузни производи. Според информациите, само за едно скапо сирење може да се потрошат околу 1.000 евра, а менито вклучува ексклузивни морски плодови, егзотични зачини и специјално подготвена храна.
Сирењето од типот Big Woods Blue кое се бара за вечерата со која се отвара состанокот на раководството на МТВ со гостите од Европската радиодифузна Унија (ЕБУ) во странство чини меѓу 70 и 100 евра за килограм што значи дека во Македонија може да чини и за 50 проценти поскапо.
Ако за сите 120 гости има по 100 грама основа скапо сирење тоа значи дека само за овој продукт ќе бидат потрошени 12 килограми или околу 1000 евра за еден дел од вечерата.
Настанот трае повеќе денови.
Порталот off.net.mk ги открива сите 10 луксузни продукти за вечерата на првиот ден од состанокот.
Меѓу нив има работи кој македонскиот обичен човек па дури и вработен во МРТВ не може да ги јаде освен ако не отиде на коктел во некоја странска амбасада.
,,Печен анасон и лубеница (во мај!) со жолт домат мариниран со босилек; тропски ракчиња (мора ли тропски?) со прелив од ананас и папаја; димена патка и прелив од ореви и цреши; сино сирење од видот Big Woods, паеља од морска храна со школки, ракчиња (тропски?) и арборио ориз со шафран… Ова е само дел од менито кое МРТ го нарачува за свои гости од ЕБУ. Поблиску се до добивање Мишелин ѕвезда отколку до некоја ТВ награда”, пишува Офф.нет за листата на храната која ја бара МТВ по спецификација.
Зошто ракчињата не може да бидат од Егејското море туку мора да бидат од тропски мориња или океани не им е јасно ниту на најдобрите кувари и гурмани.
Како што не е важно дали парите ги дава МТВ од својот буџет или од буџетот на ЕБУ затоа што сигурно е подобро парите да завршат кај македонски производители на храна.
Повеќе на off.net.mk
