Градоначалникот на Карпош Стевчo Јакимовски тврди дека според анкетите добро стои меѓу граѓаните но се уште не знае дали ќе се кандидира за нов градоначалнички мандат.
Стевчо Јакимовски засега калкулира и не открива дали ќе се кандидира за нов, петти мандат како градоначалник во Карпош.
Тој во интервју за ТВ24 вели дека „анкетите биле на негова страна и дека граѓаните на Карпош му ја давале поддршката во три наврати кога било многу тешко“.
За СДСМ откри дека имало интерес да поддржат негова кандидатура, но на крај решиле да одат со својот предлог лекарката Маја Мојсова.
„Карпош треба да има добар градоначалник“ рече Јакимовски кој очекува исклучително црна кампања.
