Владата да ја следи состојабата и доколку трендот на поскапување на прехрамбените производи продолжи потребни се мерки – кои ќе бидат долгорочни, а не како досега по два до три месеци, вели Татајана Тасевска од Организацијата на потрошувачи.
Таа за Канал 5 посочува свесни се дека цените и во маркетите се повисоки, а за тоа добиле и пријави од граѓани, па оттука вели во делот на храната треба да се превземат конкретни чекори, нагласувајќи дека на земјата и е потребно поголемо домашно производство.
„Треба да се мотивира производството повеќе, да има субвенции за земјоделците кои што би можеле да производуваат повеќе храна, значи имаше порано и многу повеќе домашно производтсво, што во овој период од годината придонесуваше да бидат пониски цените барем на зеленчукот и овошјето меѓутоа во овој период грашаните тоа вистина не го чувствуваат бидејќи не се намалија ниту цените на зеленчукот ниту на овошјето кое што е навистина прескапо и не секој може да си го дозволи…. “-Татјана Тасевска од Организација на потрошувачи.
Од организацијата ја поздравија најавата дека ќе има мерки за училишниот прибор и очекуваат дека ова пред стартот на новата учебна година во голема мера ќе им ја олесни ситуацијата на граѓаните.
„Се надевам дека со тоа ќе се намалат цените и ќе им се олесни на оние граѓани кои што имаат деца во училиште и во овој период ќе се набавуваат прибори. Но во делот на прехрамбените производи треба да се превземат соодветни чекори за да може секој од нас потрошувач да купи се што му е потребно и да не го осети тоа во таа мера на својот буџет.“- Татјана Тасевска – Организација на потрошувачи.
