На економско социјалниот совет не падна договор забпокачување на минималната плата.
Првиот човек на ССМ Слободан Трендафилов, вели дека на седницата наместо договор имало само лецитирање со бројки за зголемување на минималецот. Ако не се слушне јазикот на аргументите за потребата од итно зголемување – ќе се слушне јазикот на работниците на друго место – посочи Трендафилов, најавувајќи протести.
Простор за оптимизам нема дополни првиот синдикалец. Годинава имаше над 13 % повеќе средства за зголемување на платите, а тие се покачија меѓу 5 и 7 проценти.
Премиерот Мицковски пак – кој учествуваше на седницата кажа дека зголемувањето на платите не се постигнува со административни одлуки донесени преку ноќ, туку со силна и продуктивна економија. Министерот Дурмиши со сличен став. Секое интервентното зголемување без продуктивност ќе создаде дополнителен притисок особено врз малите претпријатија и ризик за работните места.
За Бизнис конфедерацијата, има шанси за преговори заклучно март кога е законското усогласување, но енормно зголемување на минималецот е невозможно.
Барањето за минимална плата од 600 евра ССМ го базира на постојаниот раст на потрошувачката кошничка. Владата не ја признава и од Нова година најави своја кошничка.
