Ситуацијата во Непал не се смирува.
Откако демонстрантите ја запалија зградата на парламентот порано денеска, а премиерот поднесе оставка и го повлече законот за порнографија што ги забранува социјалните медиуми, демонстрантите сега ги таргетираа членовите на корумпираната влада.
На социјалните мрежи се објавени неколку вознемирувачки видеа на кои се гледаат како демонстрантите провалуваат во домовите на министрите, ги тепаат, ги палат нивните луксузни резиденции и низ прозорци фрлаат пари што ги нашле.
Rüşvet aldığı iddia edilen Nepal Enerji Bakanı’nın lüks konutu göstericiler tarafından yakıldı.
Evde ele geçirilen paralar havaya saçıldı. pic.twitter.com/clZlOjOgu6
— Whisper (@whisperhaber) September 9, 2025
Демонстрантите во Непал ги нападнаа и ги запалија домовите на претседателот, премиерот и другите министри. Аеродромот во Катманду ги прекина сите операции.
Луксузната резиденција на министерот за енергетика на Непал, кој наводно земал мито, беше запалена од демонстрантите. Парите запленети од куќата беа расфрлани во воздух.
Граѓаните упаднаа во седиштето на Комунистичката партија, кое беше запалено, а познатото црвено знаме со срп и чекан беше отстрането од јарболот и искинато.
In Nepal, citizens storm Communist Party headquarters and tear down hammer and sickle flag. pic.twitter.com/EVdpKaRDqE
— RadioGenoa (@RadioGenoa) September 9, 2025
Демонстрантите, исто така, упаднаа во резиденцијата на корумпираната министерка за надворешни работи на Непал, Арзу Рана Деуба, и ја претепаа неа и нејзиното семејство.
Непалската војска издаде соопштение во кое ги обвинува демонстрантите дека ја користат сегашната криза за уништување, ограбување и палење на јавен и приватен имот.
Во соопштението се вели дека доколку ваквите инциденти продолжат, „сите безбедносни институции, вклучително и војската, ќе ја преземат контролата врз ситуацијата“, почнувајќи од 22 часот по локално време.
„Ги повикуваме сите граѓани да ја поддржат војската во овој напор“, се вели во соопштението, додавајќи дека дополнителни информации ќе бидат објавени „по проценка на ситуацијата“.
Претходно денес беше објавена снимка од толпа која го линчува министерот за финансии. Исто така, беше објавено дека сопругата на поранешниот премиер била жива запалена во куќа запалена од демонстрантите. Зградата на парламентот беше запалена претходно, додека од Непал доаѓаат информации дека има десетици мртви.
