Новите правила на Европската унија кои на сила ќе стапат од први јануари а се однесуваат за користење на фосилните горива при користење во индустријата ќе предизвикаат удар врз металната индустрија.
Колкави ќе бидат последиците засега не се знае. Од овој сектор велат дека неколку години се подготвуваат за ваквата обврска која ја бара Европа, па затоа мора да се работи на промена на енергетиката во земјава и намалување на производството на струја од јаглен и се поголемо користење на обновливите уизвори на енергија.
„Во секој случај цената ќе биде оптеретена, за ова се зборува неколку години, а компаниите се подготвуваат и на некој начин очекуваме соочување со ова. Тука во израс сега допаѓа партнерскиот однос со клиентот. Цената ќе трпи, но секаде цената ќе трпи – тоа ќе биде домионо ефект, ќе биде комплексно ќе бидат добредојдени зелени кредити, но удари ќе има, како и за секоја промена што носи меѓутоа јас мислам дека компаниите се подготвуваат подолго време како да се справат со ова.“, вели Марта Наумовска Грнарова Асоцијација на метална и електро индустрија
Европската унија од стартот на новата година ќе воведе такса за сите производи кои се извезуваат во земјите членки а се произведени од фосилни горива. Оваа мерка најмногу ќе ги погоди компаниите од металната индустрија кои се извозно ориентирани. Пред еден месец регулаторот излезе со информација дека владите од регионот со заеднички сил се обидуваат да го наговорат официјален Брисел за одложување на новите правила, но по сеизгледа дека тоа нема да успеат да го сторат. Тоа значи дека сите производи кои се извезуваат во Европа а се добиени со помош на струја од јаглен, ќе добијат повисока царина во унијата. Со тоа македонските производи од страт ќе ја намалат конкурентноста на пазарот.
Инаку, во текот на 2024 година над 50 отсто од електричната енергија во земјава беше произведена од обновливи извори, односно, од сонце, ветер и вода. И самите држави од ЕУ кои користат фосилни горива плаќаат пенали бидејќи со користењето на јагленот ја загадуваат животната средина.
