Истражувачката платформа Numbeo го објави најновото рангирање на европските земји според индексот на криминал за 2025 година, кое не се базира на официјални полициски податоци, туку исклучиво на искуството и перцепцијата на самите граѓани.
Прашањата во анкетата го опфаќаат чувството на лична безбедност, стравот од насилство, кражба, корупција и проблеми со дрога, објави Дневник.
На врвот на листата на најопасни земји во Европа е Франција, по што следат Белгија, Белорусија, Ирска, Обединетото Кралство и Шведска. Од друга страна, најбезбедни земји се Андора, Островот Ман, Естонија и Монако.
Според оваа листа, Македонија е на 13-то место. Ова значи дека Македонија е во долниот дел од листата во однос на степенот на опасност, што укажува на релативно високо ниво на субјективно чувство на безбедност кај населението.
Таа е подобро позиционирана од повеќето земји од ЕУ и регионот. Иако не се на врвот на најбезбедните земји како Андора или Естонија, македонските граѓани во просек имаат повисоко чувство на лична безбедност од жителите на Франција, Белгија или Шведска.
