Телма дојде до профилот на осомничениот сериски убиец од Старо Нагоричане, Кумановско, на социјалната мрежа ТикТок, каде тој бил релативно активен и споделувал содржини од својот секојдневен живот.
Од снимките и видеата што се објавени, може да се потврдат претходните информации објавени од Телма: станува збор за 25-годишник со крупна телесна градба, кој работел со чување овци и живеел во Драгоманце.
На неговиот профил се прикажуваат и детали од приватниот живот, вклучувајќи видеа каде се гледаат мајката и очувот со кои живеел, како и заедничка фотографија со останатите членови на семејството, односно децата на очувот.
Овие снимки дополнително ја разјаснуваат неговата социјална и семејна средина, прикажувајќи дел од неговиот живот пред да стане познат по серијата на криминални дела.
