Манчестер Јунајтед како клуб добил позитивни реакции од британската влада за активирање на мега проект од кој треба да профитираат сите страни во дадената операција, бидејќи планот за изграда на нов стадион треба да означи еден нов возбудлив старт за фудбалскиот великан, но исто така да допринесе многу за општеството, како и за луѓето кои живеат во близина на „Олд Трафорд“.
Јунајтед денеска преку официјално соопштение ја извести јавноста дека започната е акција за изградба на нов ултра модерен стадион по стандардите на најголемите клубови во Европа, со тоа што новиот дом на Манчестер треба да биде најголемиот стадион во Англија.
Планот е капацитетот на новиот „Олд Трафорд“ да биде 100 илјади столчиња, а притоа прикажани се и првите макети и планови за тоа како треба да изгледа спектакуларниот дом на „црвените ѓаволи“.
-Денес го означуваме стартот на едно неверојатно возбудливо патување во кое целта е да се испорача најголемиот фудбалски стадион во светот, централно веднаш до реновираниот „Олд Трафорд“. Нашиот сегашен стадион брилијантно ни служи во изминатите 115 години, но заостанува зад најдобрите арени во светскиот спорт. Со градење на нов стадион веднаш до оној стариот на постоечката локација, ќе можеме да ја зачуваме суштината на „Олд Трафорд“, истовремено создавајќи навистина најсовремен стадион кој ќе го трансформира искуството на навивачите, кои и натаму ќе останат на само неколку чекори од нашиот историски дом.
Подеднакво важна е можноста новиот стадион да биде катализатор за социјално и економско обновување на областа „Олд Трафорд“, создавајќи работни места и инвестиции, не само за време на фазата на изградба, туку и на трајна основа кога ќе заврши целото градење на стадионот, но и околу него. Владата ги идентификуваше инфраструктурните инвестиции како стратешки приоритет, особено на северот на Англија, и ние сме горди што ја поддржуваме таа мисија со овој проект од национално, но и локално значење, – вели Сер Џим Ретклиф, еден од косопствениците на Манчестер Јунајтед.
Засега не се дава проценка кога би можеле да стартуваат градежните работи, но проценката е дека за реализација на целиот проект ќе бидат потребни 2 милјарди фунти.
