Во Црна Гора, од почетокот на годината, поднесени се 17 кривични пријави против 19 лица за кривични дела трговија со луѓе, а 30 лица се идентификувани како жртви, соопшти Министерството за внатрешни работи (МВР) на Црна Гора.
Министерството соопшти дека оваа година спроведува низа активности по повод 18 октомври, Европскиот ден против трговијата со луѓе, за да ја информира јавноста за трговијата со луѓе како форма на модерно ропство, кое не познава граници и ги лишува луѓето од целиот свет од нивната слобода и основни права, со цел нивна експлоатација, објавува Вијести.
Според податоците на МВР на Црна Гора, најчести форми на експлоатација остануваат принудната работа и просењето, со евидентирани случаи на сексуална експлоатација и нелегален брак.
