Ако Украина стане членка на Европската Унија, тоа ќе значи помали средства од ЕУ за Унгарија, изјави денеска унгарскиот премиер Виктор Орбан.
Орбан рече дека прашањето за членството на Украина во Европската Унија може да ја реши иднината на Унгарија во следните 15-20 години, пренесува МТИ.
„Има одлука, дури би можел да кажам наредба од Брисел, која не ја ни кријат, со оглед на тоа што претседателката на Европската Комисија, Урсула фон дер Лајен, веќе најави во Европскиот парламент дека Украина мора да стане членка на ЕУ до 2030 година, што е помалку од пет години“, рече Орбан.
Според него, ова би бил „смртен удар“ за земјоделскиот сектор и средствата на ЕУ наменети за Унгарија.
