Унгарскиот премиер Виктор Орбан ја повика Европа веднаш да ги укине санкциите врз руската енергија за да ја заштити својата економија од една од најтешките економски кризи во нејзината историја, што е последица на војната во Иран.
Како одговор на предупредувањето на полскиот премиер Доналд Туск дека неодамнешните активности на Трамп и Орбан се како „планот од соништата на Путин“, унгарскиот премиер двојно ги зголеми своите повици за проруска промена во политиката на ЕУ, објавува Гардијан.
„Европа се движи кон една од најтешките економски кризи во својата историја. Светот се соочува со сериозна енергетска криза. Европа е во сериозна опасност. Единствениот излез е да се укинат санкциите наметнати врз руската енергија. Веднаш. Не мора да размислуваме за Путин, туку за нашата земја и нашиот народ“, рече Орбан.
Според извештаите, тој му рекол на Туск дека, наместо да поттикнува војна, треба да ја сака и да ја спаси својата земја.
Коментарите на Орбан доаѓаат само 10 дена пред клучните парламентарни избори во Унгарија, потсетува „Гардијан“
