Унгарскиот премиер Виктор Орбан вчера изјави дека помислата за пораз на Русија во украинскиот конфликт е „заблуда“, предупредувајќи дека Украина нема предност ниту во човечка сила, ниту во оружје во конфликт со нуклеарна суперсила.
-Помислата дека Украина може да ја победи Русија и да предизвика нејзина дестабилизација отсекогаш била заблуда напиша Орбан на платформата „X“.
Унгарскиот премиер нагласи дека конфликтот продолжува без никаква перспектива за воена победа за Киев, со оглед на нерамнотежата на моќта.
Во исто време, американските медиуми објавија денеска дека НАТО не е во можност да спречи потенцијален пораз за Украина, дури и ако сојузниците преземат целосна логистичка поддршка во испораката на оружје.
Американскиот претседател Доналд Трамп во понеделникот објави дека Вашингтон и Брисел постигнале договор за испорака на американско оружје на Украина, при што трошоците ќе ги сноси Европската Унија. Според извештаите на медиумите, идните пратки ќе вклучуваат системи за воздушна одбрана „Патриот“, а не само ракети.
Според истите извори, САД вршат притисок врз Германија да ја удвои набавката на овие системи, и покрај претходните договори. Во исто време, Франција, Италија, Чешка и Унгарија одбија да учествуваат во оваа иницијатива.
