Кандидатот за градоначалник на Град Скопје, Орце Ѓорѓиевски, оствари средба со светски познатиот музичар Влатко Стефановски и кандидатот за градоначалник на Карпош, Сотир Лукровски, на која разговараа за културата и развојот на Скопје како европска метропола.
Ѓорѓиевски истакна дека разговорот со Стефановски бил инспиративен и дека музичарот, како вистински скопјанец и гордост на Македонија, споделил идеи и совети кои ќе бидат вклучени во програмата за поубаво и покултурно Скопје.
„Кога културата и музиката се спојат со визија и работа, градот станува повеќе од урбана средина – станува дом на духот, уметноста и заедништвото,“ нагласи Ѓорѓиевски.
Кандидатот потенцираше дека со заеднички напори Скопје ќе се трансформира во културно катче достојно за идните генерации.
