Златко Перински, министер за локална самоуправа на настанот Саем-Отчет, 4 години работа за тебе информираше дека оваа Влада финансираше околу 1200 проекти од различни области во сите општини ширум Македонија.
„На првиот повик од минатата година се пријавија општините за 288 проекти, од кои 137 се завршени. На вториот повик имаше 887 апликации, а беа прифатени точно 828 проекти. Кумулативно тоа се околу 1200 проекти кои се реализираат со помош на централната власт“, информираше Перински.
Според Перински градоначалниците имале многу предизвици, а немаа никаква поддршка од претходната влада.
„Ние им помогнавме да ги детектираат предизвиците и да им понудиме одржливост и да им помогнеме во изведба на поголеми проекти бидејќи сите располагаат со различни потенцијали“, вели Перински.
Перински е задоволен од постигнувањата на општините.
„Секој се бори да направи што е можно повеќе и се надевам по изборите ќе бидат дополнително помотивирани да работат за граѓаните“, заклучи Перински.
