Порталот дознава дека службениот и-мејл и телефонот на извесниот Мемет Жаку, вработен во Министерството за надворешни работи, е употребен за спонзорирање на објава на Фејсбук во полза на Бујар Османи.
Во објава спонзорирана завчера, јасно е напишан мејлот на господинот Жаку и неговиот телефонски број, пишува „Плусинфо“ кој објавува и фотографија од објавата.
За Мемет Жаку велат дека е шеф на кампањата на Бујар Османи, во трката за клучната градоначалничка позиција во скопската општина Чаир.
Плусинфо дознава дека во МНР веќе е реагирано за овој случај и таму се утврдува дали биле злоупотребени службени ресурси.
Порталот додава и дека Мемет Жаку не е „било кој” во МНР и објавува фотографија од форум во НАТО, на која покрај Зоран Заев и Радмила Шеќеринска присуствувал и тој.
