Посебен режим на сообраќај ќе има денеска во Скопје поради спортски настан, информираат од Министерството за внатрешни работи и апелираат граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.
-Во организација на Здружение за спорт и рекреација „Прв до врв – Скопје“, ќе се одржи 13. издание на традиционалниот спортско-рекреативен настан насловен како „Прв до врв“, со почеток во 9:45 часот со траса на движење на велосипедската трка со почеток од пред Музеј на град Скопје – улица „Свети Кирил и Методиј“, лево по булеварот „Свети Климент Охридски“, во продолжение право по булеварот „Мајка Тереза“, лево по улицата „Тодор Александров“, во продолжение по локален пат за Средно Водно до врв на Водно – „Милениумски крст“ и траса на движење на планинарите со почеток во 10 часот од пред ОУ „Кочо Рацин“ на булеварот „Мајка Тереза“, право по улицата „Тодор Александров“ и кај улицата „Салвадор Аљенде“ десно по планинската патека кон Средно Водно, од Средно Водно кон врв на Водно – „Милениумски крст“ во Скопје, појаснуваат од Министерството за внатрешни работи.
