Со години слушаме дека Заев и Филипче ќе бидат „пример“ за правда. И навистина се пример – како се живее на јахта во Егејот, со шампањ и морска храна, додека државата чека, а правдата ужива во летен одмор.
Со години слушавме како крадат милиони и дека ќе бидат апсени. Илјадници докази, десетици истраги, стотици медиумски наслови – и исто толку политички ветувања дека правдата ќе стигне. Очекувавме спектакуларно апсење… а добивме слики од Халкидики, шампањ, ракчиња и јастози. Очигледно, „примерот“ е како се живее без последици.
Земјата чека „денот на правдата“, тие чекаат да им стигне следната тура ракчиња. Народот слуша за „расчистување со криминалот“, тие расчистуваат чинија со ракчиња.
Претпоставуваме дека темата на палубата била тензична и вознемирувачка. Заев сигурно размислува дека ако дојдат по нив, нека биде барем по главното јадење. Филипче дека би било добро да им дадат соба со мени за морска храна, бидејќи не се навикнати на институции без лигњи на скара, а тоа е како шампањ без меурчиња – мртво. Заев се насмевнал и додал дека ќе земат и по едно дијазапамче за смирување, за да не им скокне притисокот во притвор.
Останатото било класика: планови за „долгорочен одмор“, имиња на „добро расположени судии“ и шеги дека ако затворот има поглед на море, можеби и не е така страшно.
Но вистината е проста: во оваа земја, правдата секогаш има предност да го почека летниот одмор на обвинетите. А кога се има многу пари, летото трае цела година. А кога летото трае цела година, судскиот процес се претвора во мит, како сирените на Егејот.
И така, додека јавноста брои денови до „историското апсење“, тие бројат колку шишиња шампањ им останале во фрижидерот на јахтата. Секој нов наслов во медиумите за „сериозни истраги“ се претвора во уште еден повод за наздравување со Dom Pérignon.
Во Македонија, граѓаните се расправаат дали воопшто ќе има правен епилог. Во Егејот, Заев и Филипче се расправаат дали ракчињата биле подобри во Миконос или во Санторини. И додека обвинителството „темелно“ работи, јахтата темелно го обиколува архипелагот, од залив до залив, од Сани Марина до Порто Карас.
На крај, Заев наздравува за слободата, која ако имаш милиони, трае вечно. И за шампањот, кој ако не е добро изладен, им прави голем стрес и нервоза.
