По распишана потерница од 2003 година, македонските безбедносни служби го уапсија Хамди Бајрамовски, познат како „Командант Бреза“.
Бајрамовски беше баран по наредба од Основниот суд Скопје II за сторено кривично дело по член 237 од Кривичниот законик, како и други тешки кривични дела.
„На 02.06.2025 на подрачјето на Гази Баба во Скопје, полициски службеници од Секторот за меѓународна полициска соработка го лишија од слобода Х.Б.(43) од Скопје. Тој бил баран по потерници за издржување казна затвор од пет години за сторено кривично дело „разбојништво“ по член 237 од Кривичниот законик и затворска казна од шест години за сторено кривично дело „неовластено производство и пуштање во промет наркотични дроги, психотропни супстанци и прекурзори“ по член 215, како и за повеќе истраги за повеќе сторени кривични дела со мерка притвор по член 396, член 123 став 1 и став 3, член 396, член 158 и член 237 од Кривичниот законик.“, стои во соопштението на МВР.
