Секторот за внатрешни работи од Охрид денеска соопшти дека безживотно тело на машко лице завчера попладнето било пронајдено во поранешните оранжерии лоцирани на улицата „1 Македонска ударна бригада“ во Охрид.
На 06.12.2025 година во 16:20 часот, во поранешни оранжерии на улицата „1 Македонска ударна бригада“, пронајдено е машко безживотно тело.
По преземени мерки, вчера е утврдено дека се работи за З.Т.(57) од Охрид, кој на 04.12.2025 година во 18.25 часот, во СВР Охрид бил пријавен дека се оддалечил од семејниот дом.
По наредба на јавен обвинител, денеска врз телото ќе биде извршена обдукција.
