Во првото коло од Светското клупско првенство, Интер одигра само 1-1 против мексиканскиот тим Монтереј, а најзаслужен за бодот на гостите е Серхио Рамос кој го постигна голот за нив.
Со вчерашниот меч почна ерата на Кристијан Киву на клупата на Интер, но првиот резултат не беше таков каков што посакува.
Нероазурите се сретнаа со Монтереј во првото коло и важеа за сериозен фаворит, но не успеаа да победат.
Резултатот го отвори Серхио Рамос во 25. минута кога погоди со глава за водство на Монтереј од 1-0.
На три минути пред крајот на првиот дел Лаутаро Мартинез даде гол за израмнување на 1-1, што беше и конечен резултат.
Во вториот дел Интер се обидуваше да направи комплетен пресврт, но не успеа.
