Царинската управа го потврди инцидентот со Драги Рашковски кој се случил на граничниот премин Ново Село кон Бугарија. Тој сакал парите преку Кулата да ги пренесе на грчка страна. Во обидот за нелегално изнесување пари, тој бил задржан на ГП Ново Село , а вишокот пари му биле конфискувани. Од Царинската управа велат дека во овие моменти се прави таканаречена девизна постапка за случајот, а еврата биле најдени во возилото сместени до менувачот.
Претходно Рашковски на Фејсбук објави демант во кој вели дека не пренесувал пари во Грција и дека наводите во медиумите се невистинити.
Поранешниот генерален секретар на Владата , инаку на јавноста ѝ е познат по аферата Софтвери.
Во прв степен, Драги Рашковски и уште шестмина обвинети добија затворски казни за злоупотреби од три до осум години затвор во случајот Софтвери.
