Американските напади врз Иран се извршуваат од воздух и од море, изјави американски функционер за Ројтерс.
Израелскиот министер за одбрана Израел Кац претходно изјави дека Израел започнал превентивен напад врз Иран за да ги елиминира заканите за безбедноста на земјата и дека е прогласена вонредна состојба низ целата земја.
Американски функционер потврди за „Тајмс оф Израел“ дека САД биле вклучени во утринските напади во Иран заедно со Израел.
Според израелски безбедносен извор, тековниот напад бил заедничка американско-израелска операција.
Непотврдени извештаи укажуваат дека една од целите на нападот е иранскиот претседателски комплекс, како и домовите на иранските лидери, според информации од иранската опозиција.
Ова е втор американски напад врз Иран за помалку од една година.
Последниот пат кога САД нападнаа иранска територија беше во јуни 2025 година, кога американскиот претседател Доналд Трамп им нареди на воените авиони да фрлат масивни бомби врз три нуклеарни постројки во Иран.
Со тој напад, тој стана првиот американски претседател кој одобри напад врз Иран по речиси половина век непријателство со Исламската Република.
Американските власти потврдија дека САД извршуваат напади врз Иран
- САД спроведуваат напади врз Иран, потврдија тројца американски функционери за Си-Ен-Ен. Еден од нив рече дека нападите се во тек и ги опиша како „не мал напад
