И покрај раните утрински часови, мерните податоци укажуваат дека квалитетот на воздухот во Скопје повторно е сериозно нарушен. Според апликациите кои ја следат загаденоста, главниот град и утрово се соочува со многу високо ниво на аерозагадување.
Податоците од светскиот сервис IqAir покажуваат дека Скопје утрово се наоѓа на 20. место на листата на најзагадени градови во светот, додека во Европа е рангирано на второ место според степенот на загаден воздух.
Најкритична состојбата е во населбата Илинден, каде жителите утрово дишат најзагаден воздух.
Од Министерството за животна средина информираа дека е надминат прагот на алармирање, повторно укажувајќи дека аерозагадувањето во Скопје е долгогодишен проблем, кој особено се интензивира во зимските месеци за време на грејната сезона.
