Студентите во блокада објавија список со локации и термини за протестите што ќе се одржат вечерва, сабота, 16 август, ширум Србија. Протестите се предвидени за Валјево, Белград, Книќ, Пожаревац, Чачак, Врање, Горњи Милановац, Лесковац и други градови. „Србија не може да се смири“, порачаа студентите.
Според објавата, во Валјево собирот е закажан во 19:00 часот кај Валјевската гимназија, додека во Белград протестот започнува од 20:00 часот на Авијацијскиот плоштад во Земун и кај кружниот тек пред Општина Нови Белград.
View this post on Instagram
Студентите упатија и упатства за безбедност за време на протестите: „Во случај на разбиени демонстрации, не одете во тесни улици. Збирни места при расејување: раскрсницата на Булеварот Михајло Пупин и Џон Кенеди, раскрсницата на Булеварот Михајло Пупин и Булеварот маршал Толбухин.“
Протестите следуваат по серијата апсења и инциденти на претходните собири низ земјата, а студентите повторно ја истакнуваат потребата за масовно учество за јавна видливост и притисок врз институциите.
Списокот на сите локации и термини е објавен во официјалната комуникација на студентите во блокада.
